Komnar úr loftinu

Við vorum að koma úr viðtalinu á Rás 2 hjá Erlu og ég held að þetta hafi bara gengið vel  Svo er planið að vera aftur í sambandi við Erlu þegar við erum komnar út og búnar að átta okkur aðeins á aðstæðum.

Næst á dagskrá hjá okkur er að setja inn á bloggsíðuna tengla á þá frábæru aðila sem hafa tekið þátt í að styrkja verkefnið okkar. Við erum þessa dagana ýmist í próflestri eða að leggja lokahönd á 3.árs verkefnin, en við munum setja tenglana inn við fyrsta tækifæri. Þessum aðilum kunnum við bestu þakkir því án þeirra væri þetta sennilega ennþá einungis fjarlægur draumur.

Prófa- og verkefnisbaráttukveðjur, Heiðdís

Athugasemdir

[Erla Gunnlaugsdóttir (IP-tala skráð) 17.5.2007 kl. 14:38]

Mig langaði til að vekja athygli ykkar á að í dag fóru 8 hjúkrunarfræðinemar (allt stúlkur) á sömu slóðir og þið eruð að fara á og á sömu vegum og þið þ.e. Alþjóðasamt. læknamema IFMSA og verða þar við störf á heilsugæslustöðvum sem reknar eru af heimamönnum,Provide International. Þær eru fyrstu hjúkrunarfræðinemarnir frá Háskóla Íslands sem fara á vegum þessara samtaka og verða þarna úti í mánuð þannig að þið komið e.t.v. til með að hitta þær. Bloggsíða þeirra er: hjukrunikenya.blog.is 

Kær kveðja og gangi ykkur vel, Erla (móðir einnar úr hjúkrunarfræðihópnum)   

[Harpa, Heiðdís, Helga, Helga Björk og Inga Rós, 17.5.2007 kl. 15:50]

Sæl Erla.

Við höfum að sjálfsögðu verið í góðu sambandi við hjúkrunarfræðinemana.  Þær voru meira að segja svo elskulegar að taka á sig að senda allt línið sem þvottahús LSH styrktu báða hópana með.  Þess má geta að hún Lilja Þórunn er æskuvinkona mín og æfðum við saman sund í mörg ár ásamt henni Þóreyju.
Okkur er mjög hlýtt til þeirra og höfum við talað um að hittast og borða saman þegar við komum út til Nairobi áður en þær leggjast í ferðalög um Kenya.

Bestu kveðjur
Harpa

[Elli (IP-tala skráð) 18.5.2007 kl. 07:29]

Þetta var mjög flott útvarpsviðtal hjá ykkur, ég er reyndar ekki vanur því að heyra svona lágt í Ingu Rós þegar hún talar he he (en þetta batnaði nú og kom vel út)

[Hildur Ýr (IP-tala skráð) 18.5.2007 kl. 11:53]

Sælar

Þið stóðuð ykkur ótrúlega vel í útvarpinu í gær ;) 

[Inga Rós (IP-tala skráð) 18.5.2007 kl. 14:01]

Hahaha já hann var eitthvað undarlega stilltur hljóðneminn minn

Það hafa fjölmargir heimsótt síðuna eftir viðtalið svo það hefur án efa vakið athygli á verkefninu, okkur til mikillar ánægju.

Kærar þakkir fyrir kveðjurnar!